العاب Ubisoft بداية من Assassin’s Creed الجديدة هتكون غير معتمدة علي الخطية في عرض القصة او عالم اللعبة

Serge Hascoet مدير التسويق في Ubisoft في مقابلة مع جريدة Le Monde الفرنسية اتكلم عن مصير العاب الشركة في المستقبل من ناحية الخطية, اللي اكد عليه رغبتهم في تصميم العاب تقدم لللاعب حرية كبيرة في طريقة تنفيذهم للقصة او استكشاف العالم من حواليهم و بدون اي قيود من اسلوب كتابة القصة, و استكشاف العالم من حواليهم شئ مهم جدا  تم الاعتماد عليه في العاب زي Far Cry Primal و Watch Dogs 2 مؤخرا.

كلامه انتقل بعد كده لـAssassin’s Creed الجديدة و اللي اكد انها هتتجه اكتر للاسلوب دا من خلال تقديم عالم حي و عالم بيكون نظام بيتاثر باقل افعال ممكن اللاعب ينفذها سواء علي المدي القصير او البعيد و الجزء المهم جدا في اللعبة هو التركيز علي الشخصيات و طبعا بالاضافة علي جزئية استعراض فترة تاريخية و التركيز عليها و دا بيخلي اللعبة بتحاول تهتم اكتر بطريقة عرض القصة.

عموما Assassin’s Creed الجديدة من اكتر الالعاب المنتظر الاعلان عنها و عرضها من Ubisoft خصوصا ان في 2016 حاليا تم تأجيل اللعبة لضمان انها تقدم تجربة ثورية و جديدة و المفروض ان اللعبة تنزل في 2017 و لكن مدير Ubisoft اكد ان اللعبة لو احتاجت وقت اطول في التطوير هيتم تأجيلها.