دعم توحيد الـSave Files في لعبة Resident Evil 7 بين الـPC و الـXbox One

اعلنت شركة Capcom عن موافقتها في دعم لعبة Resident Evil 7 لنظام الـ Cross-saves بين Windows 10 و Xbox one , و الي هيكون من خلالة متاح لملاك المنصتين انهم يلعبوا اللعبة بنفس ملف التسجيل علي الجهازين , و كان في العاب دعم النظام دة بين الجهازين زي Gears of War 4 و Forza Horizon 3 وReCore لكنهم كانوا تحت نظام Microsoft’s Play Anywhere و الي كان بيتيح للعب الالعاب دي علي المنصتين و الي يشتري اللعبة علي منصة منهم ياخدها علي التانية بشكل مجاني , دة مش هيكون متاح في Resident Evil 7 لكن الي هيكون متاح هو تبادل ملف التسجيل الخاص باللعبة فقط .

كمان تم الاعلان علي ان اللعبة هتكون مدعمة للـ4k علي جهاز الPC .

لعبة Resident Evil 7 هيتم اصدارها في 24 يناير 2017 علي اجهزة PS4 و Xbox one و PC , و المفروض ان هيتم اصدار ديمو جديد للعبة في اوائل شهر ديسمبر , لكن لسة مش معروف اذا كان هيتم اصدارة للـPC ولا لا .