تفاصيل و صور جديدة عن الـMini Bosses من لعبة The Surge

The Surge هي لعبة من تطوير Deck 13 نفس المطور اللي قدم لعبة Lords of Fallen اللي تعتبر لعبة متأثرة بشكل كبير بسلسلة Souls, ولعبتهم الجديدة هتقدم نفس التجربة لكن في عالم مبني علي خيال علمي.

و من خلال تفاصيل و صور جديدة عن اللعبة عن الـMini Bosses تم توضيح انهم هيكونوا موزعين في المناطق الصناعية لمقاطعة اسمها CERO تحت حماية قوات امنية بتستخدم اليات متطورة في اي مواجهة.

زي مثلا الـCERI Robot Dog اللي بيستخدم سرعة و  مهارات عالية في الحركة و الاستطلاع و ماوجهتهم هتحتاج استغلال نقاط معينة في البيئة حواليك للقضاء عليهم.

النوع التاني هما قوات الامن The Echelon 9 اللي بيستخدموا دروع اسمها GOLIATH بتمدهم بالسرعة و قوة تحمل عالية جدا.

النوع التالت هو Smelter و هي الة تعدين ضخمة و صعب ايقافها  بتستخدم ادوات تكسير الاحجار و المعادن في المواجهة و الغازات الصادرة من الات التبريد هي هتكون نقطة الضعف الوحيدة اللي علي اللاعب استغلالها.

اللعبة من المفروض اصدارها في 2017 علي Playstation 4 و Xbox One و PC.