الكشف عن موعد اصدار AMD Ryzen و Vega

AMD كشفت عن أخبار جديدة خاصة بـProcessor و Graphics card المنتظرين جدا خلال اجتماعهم مع المستثمرين. حسب PC World, فـ Lisa Su رئيسة AMD أكدت إن Ryzen هينزل في أوائل مارس القادم.

Su أيضًا أكدت الخطط الخاصة بـ Zen 2 و Zen 3 وقالت إن الشركة ما زالت مهتمة بتكنولوجيا 7nm لمستقبل Ryzen.

Ryzen هو محاولة AMD للعودة في السباق مع Intel في عالم الـCPU, و SU كشفت إن الـProcessors الجديدة هتنافس الـIntel Core i5 و i7. السنة الماضية, 60% من أرباح AMD كانت من GPU, ده معناه إن 40% كانوا من CPU و الـHardawre المتوفر في الـXbox One و PlayStation 4. وجود Ryzen هو شيء مهم جدا في السوق, لأنه هيخلق منافسة في السوق.

Su أيضًا أكدت إن Vega GPUs هينزلوا في الربع التاني من 2017. الشركة واثقة إن الـGPU هيقدر ينافس ويتفوق على الـGTX 1080 الخاص بـNvidia.

يبدو فعلا إن احنا هنشوف AMD Ryzen قبل 3 مارس, و Vega هينزل في يونيو وده كان الموعد المشاع عنه لفترة.