Yousef ElAdawyفي اشاعات كتير خلال الفترة الماضية عن إن MachineGames شغالين على جزء جديد من سلسلة Wolfenstein. و مهما كان إيه اللي الستوديو شغالين عليه دلوقتي, Pete Hines نائب رئيس العلاقات العامة والتسويق في Bethesda لمح عنها تاني.
Hines كشف عن إن هم شغالين على لعبة خلال مقابلته مع Greg Miller في الحلقة الجديدة من Kinda Funny Gamescast و خلالها قال التالي:
MachineGames شغالين على حاجة حاليا بـ أقصى قدراتهم, و أنا لعبتها, وهي حاجة مجنونة جدا. وأنا مش قادر استنى عشان نعرضها ليكم.
Greg Miller سأله هل اللعبة هيتم الكشف عنها خلال E3 2017, و رد Hines كان غير مباشر و قال “هنبقى نعرفكم امتى”.
زي ما ذكرنا فوق, اللعبة المشاع عنها هي جزء تاني مباشر لـWolfenstien: The New Order, وديه كانت أول لعبة لـMachineGames. بعد اصدار اللعبة, Jens Matthies المخرج الابداعي كشف إن الستوديو عنده فاكرة واضحة جدا للجزء القادم في السلسلة.
في سبتمبر 2015, كان تم الكشف من قبل Alicja Bachleda-Curus, اللي قامت بصوت Anya Oliwa في The New Order إنها شغالة على واحدة تانية وممكن تنزل في 2017. في أكتوبر العام الماضي, Brian Bloom اللي بيقوم بصوت B.J. Blazkowicz أقترح إن في جزء جديد تحت التطوير.
خلال مؤتمر Bethesda في E3 2016, تم عرض cmd.exe على الشاشة لوهلة بسيطة خلالها عرضت حاجة اسمها “The New Colossus,” بموعد اصدار **-**-**.
طبعا غير واضح هل The New Colossus ده الجزء الجديد ولا اضافة لسلسلة ولا حاجة جديدة تماما, أو ممكن يبقى بيشير إلى الـSonnet الخاصة بـEmma Lazarus, اللي بطل اللعبة BJ Blazkowicz برويها في اخر The New Order.
Mohamed Ibrahim
