منتج Resident Evil 7 مهتم بأعادة احياء سلسلة Onimusha

المنتج Masachika Kawata اللي قام بانتاج الجزء السابع من سلسلة Resident Evil من خلال تصريح لموقع Daily Star اكد ان سلسلة Onimusha عودتها من جديد شئ تم مناقشته مع المخرج Yoshinori Ono. و اكد في تصريحه ان Capcom شركة بتتميز بعناوين كبيرة و كثيرة ليها عشاق و محبين في جميع انحاء العالم  و بعض العناوين محبيها يتمنوا رجوعها و منها Onimusha.

سلسلة Onimusha توقفت في سنة 2006 بجزء كان اسمه Dawn of Dreams و كانت تعتبر من اكتر السلاسل المحبوبة علي الـPlaystation 2 و رغبة منتج زي Masachika Kawata  في اعادة انتاجها من الممكن تحمس ناس كتير خصوصا ان الجزء السابع من Resident Evil اللي هو انتجه اعاد السلسلة لجذورها مرة تانية.