التأكيد علي مجانية كل اضافات الـMultiplayer الخاص بلعبة Mass Effect Andromeda

من فترة لعبة Mass Effect Andromeda كان تم التأكيد علي عدم وجود Season Pass خاص بيها و دا ادي لتوقع البعض ان الممكن تكون محتويات جانب الـMultiplayer الاضافية هيتم توفيرها بشكل مدفوع علي رغم من عدم وجود اي Season Pass او حتي يكون في مجال للـMicrotransactions.

لكن من جانب الاضافات تحديدا رد Aaryn Flynn مدير Bioware علي واحد من متابعيه بخصوص سؤاله عن ان كانت اللعبة هتقدم اضافات مدفوعة او مجانية زي Mass Effect 3, اجابته ان اللعبة هتتبع نفس اسلوب الجزء الثالث بمجانية كل محتوياته.

It's going to be just like ME3

— Aaryn Flynn (@AarynFlynn) March 5, 2017

عموما جانب الـMultiplayer في لعبة Mass Effect Andromeda التفاصيل عنه قليلة جدا حاليا, كل المعروف عنه انه مدمج في تجربة القصة و هيقدم تجربة تعاونية لمهمات خاصة من الممكن انك ترسل فرق اسمها Strike Teams لتنفيذها بدون انك تقرب من جانب الـMultiplayer تماما.