بداية سلسلة فيديوهات جديدة عن مميزات الـGameplay في Batman Arkham Knight وأول واحد بيتكلم عن Dual play

Rocksteady بدأت سلسلة فيديوهات اسمها Arkham Insider

Ashley Liam  الـ  community manager  قال إن على مدار الفترة القادمة هيتعرض أكتر وأكتر عن اللعبة والفيديوهات هيكون فيها المطورين بنفسهم بيحكوا لينا عن إزاي قدروا يخلوك عايش مكان Batman.

الفيديو في كام حاجة لذيذة كده زي مثلا تعليق بتسمعوا من مطورين اللعبة عن إزاي هم فكروا في وضعية الكاميرات في المشاهد اللي فيها Scarecrow و Batman و إن هم دايما بيحاولوا إن المنظر يبين قد إيه Scarecrow اقوي وأكثر سيطرة وبالفعل كلمة إن Scarecrow هو المحرك الأساسي للاحداث و “محرك العرايس المارونيت” تحديدا اتكررت كذا مرة حتى لما اتكلموا عن Arkham Knight بس كان في كلام إن Arkham Knight جي وعنده خطة شخصية بغض النظر عن اللي بيحصل وإن الشخصية مش بس معمولة من الصفر بس إن هي كمان مستوحاة من عالم اللعبة . كان في كلام إن في Villains في جميع أنحاء المدينة لأن زي ماشفنا المكان في حالة فوضى و Scarecrow مسيطر بس اهم وأحلى معلومتين هم إن إنت بسبب الـDual play هتقدر تغير مابين الشخصيات بسهولة وبسرعة بمعنى إن إنت ممكن تكون بتضرب واحد بـBatman وتكمل عليه بي Nightwing أو إي حد تاني وهتلاقي مثلا Batman رايح يضرب واحد من الـAI اللي مسكوا سلاح لأن خطرهم ازداد تاني وأحلى معلومة بالنسبالي بنسمعها في الأخير هي إن مفيش إي Loading screens في اللعبة ولا حتى لما بتدخل أو تخرج من اللعبة , اللعبة كلها بتتحرك بسلاسة عشان تحسسك بي إن إنت Batman

في غير كده كذا معلومة حلوة جدا زي إن إنت مثلا لو جامد جدا ونفسك تدمر دبابة من غير الـBatmobile تقدر تعمل كده بي Batman و الـdisruptor , هتقدر تستعمل أجهزة Batman بطرق جديدة ومتنوعة على سبيل المثال وإنت بتعمل Gliding قبل ماتنزل تدمر الغلابة اللي عايزين يسرقوا ويحرقوا في سلام .

اللعبة هتبقى في الأسواق يوم 23 يونيو على جميع الأجهزة