تأجيل Battlefield Hardline لسنة 2015

بشكل غير متوقع ستديو Visceral Games و EA اعلنوا ان لعبة Battlefield Hardline هيتأجل نزولها لسنة 2015.

لاسباب كتير تم شرحها التأجيل هيحصل بسبب ان الستديو عاوز يعمل تجربة مبتكرة و جديدة لسلسلة Battlefield Hardline و لابد يكون في وقت اكتر في التطوير.

و قالو بعد E3 و المعلومات و الاراء اللي تم تجميعها من البيتا  الستيديو اتعرف علي كل احتياجات الناس من اللعبة و لذلك من المفروض ان فريق التطوير ياخد وقت اكبر من كده لضمان افكار جديدة و احسن في الـMultiplayer و قصة و Singleplayer بمستوي يناسب توقعات الناس و يقدم تجربة افضل , و الاهم من كده تكون اللعبة مقدمة تجربة متوازنة و بدون اي مشاكل ظهرت بعد نزول battlefield 4.

يظهر ان لو كانت اللعبة شافت النور في شهر اكتوبر اللي جي كنا هنواجه مشاكل و عيوب كتير و Visceral Games بيحاولو انهم يتجنبو الغضب و الانتقادات اللي حصلت مع اصدار النسة اللي فاتت Battlefield 4.

عامة اللعبة متحددش بالزبط هنشوفها امتي في 2015 بس عموما الفترة اللي جاية اكيد هنشوف معاد متحدد.