Yousef ElAdawyTodd Howard مدير صناعة الألعاب في Bethesda كشف إن Elder Scrolls VI تحت التطوير, ولكن الستوديو محتاج وقت كتير جدا و تكنولوجيا افضل شان يطوروا اللعبة.
Howard تحدث عن الفصل القادم من Elder Scrolls و المنتظر بشدة و كشف خلال محادثة مع Geoff Keighley عن بعض التفاصيل.
Keighley بدأ المقابلة بـ “هل هيبقى في Elder Scrolls VI؟”
و رد Howard كان كلتالي
كل لما بنتكلم عن حاجة بيتم سؤالنا نفس السؤال. وأنا شايف إن حاليا أنا اقدر أقول لجماهيرنا, آه احنا طبعا شغالين على الجزء ده. ديه حاجة احنا بنحبها. ولكن إنت عارف أنا لازم أخد بالي من اللي هاقوله – اللعبة لسة بدري عليها قوي.
أنا ممكن أفضل قاعد هنا و أشرحلك اللعبة, و إنت هتقول إزاي هتعملوا كده انتم عندكم التكنولوجيا لتطوير حاجة زي كده – هتاخدوا قد إيه وقت عشان تطوروا حاجة زي كده؟ و بسبب كده ديه حاجة هتاخد وقت كتير جدا بسبب الأفكار اللي عندنا و اللي شغالين عليها حاليا.
و احنا عندنا مشروعين تانيين أضخم من أي حاجة احنا طورناها قبل كده. تقريبا الناس هتسمعها قبل ما تسمع حاجة عن Elder Scrolls VI. و هتفهموا ليه قدام جدا.
Keighley قاله بعدها إن ده شيء ممتاز انهم يبقى عندهم رؤية شاملة لـ إزاي هم شايفين و عايزين Elder Scrolls VI.
Howard قاله انهم دايما بيفكروا في المدى البعيد. انهم مش مطوري لعب بيستعجلوا مشاريعهم.
لما بتفكر في المستقبل بالذات في الأنواع دي من اللعب, احنا عندنا أفكار كويسة جدا و إزاي اللعبة ديه هتبقى. و موضوع هيحتاج وقت و تكنولوجيا افضل و حاليا احنا شغالين على إن يبقى عندنا التكنولوجيا المناسبة.
Mohamed Ibrahim
