CD Projekt RED بيوعدو بعدم تقديم اي تكرار في المهمات

في الفترة الاخيرة العاب كتير بتكون مقدمة محتوي ضخم و كبير من المهمات بس بنلاقي ان المهمات دي فيها تكرارية كبيرة.

طبعا لعبة The Witcher 3 من المتوقع انها هتقدم عدد ضخم من المهمات بس هل هتكون المهمات دي كلها متنوعة و متكررة ؟ اجابة السؤال ده كانت من Marcin Momot الـCommunity manager في ستيديو CD Projekt RED , هو قال ان اللعبة هتقدم مهمات اساسية بتستمر لمدة 50 ساعة و 50 ساعة كمان للمهمات الجانبية و كل المهمات دي مش هيبقي فيها اي تكرار بسبب انها مش عبارة عن قالب معين و مترمي في كذا حتة في اللعبة , اللي هيحصل ان اللي بيلعب هيشوف مهمات كلها كانها متصممة بالايد كل مهمة مميزة عن التانية بشكل كبير.

طبعا حاجة زي كده لو حصلت فعلا الاستيديو هيضيف معايير جديدة لجودة الالعاب في الفترة اللي جاية و دا فعلا ممكن نقول عليه Next Gen Gameplay بس اتمني انه يتنفذ بالزبط زي ما اتقال.