تعرض تطوير Dead Island 2 لمشاكل لدرجة التخلي عن المطور الحالي

الناشر Deep Silver اعلن عن مفاجاة غير سارة لاي شخص مستني الجزء التاني من Dead Island و هي ان تطور اللعبة اتوقف حاليا لان الاستيديو اللي كان شغال عليها و هو Yager اتخلي عن تطويرها.

من خلال تصريح Deep Silver قالوا ان ليهم هدف و هو انتاج لعبة يستحقها عشاق اللعبة  و كان من ضمن خطزات ضمان حاجة زي كده التخلي عن المطور Yager, و علي ما يبدوا انهم حاليا في الطريق للاتفاق مع مطور جديد و دا اكيد هيأخر اللعبة اللي المفروض كانت هتنزل في خلال السنة اللي جاية.

 Dead Island 2 المفروض كانت هتنزل لاجهزة PC و PS4 و Xbox One و كان وقت الاعلان عنها في 2014 كان معاد نزولها في 2015 و اتاجلت سنة كمان لـ2016 و جدير بالذكر ان اللعبة اجزائها الاولي اتطورت علي ايد TechLand اللي ليهم لعبة نزلت السنة دي و هي Dying Light اللي ممكن تكون نقلت التوليفة الخاصة بجيمبلاي لعبة Dead island لمستوي جديد و مختلف و افضل و علي ما يبدوا ان نقطة زي دي مثلت تحدي في تطوير Dead Island 2