المخرج Guillermo Del Toro بيفكر في عدم انتاج اي لعبة تماما

Guillermo Del Toro وصف نفسه في مقابلة مع Shacknews بأنه اشبه بشخص منحوس بينقل نحسه للناس حواليه!!

السبب في كده هو ان مشاريعه لانتاج العاب جديدة تعرضت للفشل في خلال السنين اللي فاتت, في فترة قبل افلاس THQ اشتغل علي تطوير لعبة اسمها Insane و للاسف اللعبة تم الغاء تطويرها و يليه افلاس الناشر THQ. و مشروعه مع Kojima و هو Silent Hills و اللي للاسف انتهي بشكل معروف للجميع و اساسه الخلاف بين Kojima و Konami.

Guillermo Del Toro استمر في الكلام عن رغبته في عدم تطوير او انتاج اي لعبة مرة تانية و وصف نفسه بالمنحوس لان بمجرد بداية شغله علي اي مشروع تحصل مشكلة و مش بعيد بسببه يعيش مع حد ينفجر البيت الي عايشين فيه او تقوم الحرب العالمية التالتة حسب وصفه.

هو قال انه اتعلم الكتير من Kojima و يعتبره صديق ليه و اللي اتعلمه منه هيستفيد منه في اعماله اللي جاية لكن للاسف بالنسباله في رغبة ملحة في عدم الاتجاه لانتاج اي لعبة, من الممكن انه يساعد بشكل بسيط في لعبة مبنية علي افلامه لكن تجربة انه ينتج لعبة فكرتها جديدة تماما هي تجربة مستبعدة.

الغريب ان Del Toro من فترة كان اكد علي ان في مشروع مشترك بينه و بين Kojima هيكون بعد انتهائه من تطوير Metal Gear Solid 5 و المشروع بعيدا تماما عن Silent Hills