Kojima منبهر و حزين من مستوي GTA 5 … تاني !

السنة اللي فاتت ساعة ما نزل اول Gameplay Trailer  للعبة GTA 5 مخرج و منتج لعبة Metal Gear Solid قال انه منبهر و حزين بمستوي لعبة GTA 5 , منبهر عشان طبعا اللعبة كانت ممتازة انما حزين بقي بسبب انه طبعا بيعمل لعبة open world و هي MGS 5 و كان وقتها حاسس انه مش هيوصل لنفس مستوي التنويع وسط عالم مفتوح زي ما شاف في اول Gameplay Trailer.

بعد لما تم الاعلان عن نزول اللعبة للجيل الجديد و الـPC جاله حالة احباط تاني لان بمستوي الجيمبلاي يضاف عليه جرافيكس افضل هيتم مقارنة The Phantom Pain بـGTA 5 عشان الاتنين لعب عالم مفتوح و هو حاسس ان برضو مش هيقدر يقدم اللي بنفس مستوي اللي شافه من GTA.

شخصيا انا مش عارف هل هو بيهرج ولا بيتكلم بجد بس عامة اللعبتين فيهم اختلاف كبير يمكن The Phantom Pain هتدي حرية اكبرلافكار الـstealth بس مظنش انها تتقارن بلعب open world زي GTA في اختلاف في اتجاه اللعبتين.