هل Kojima استقال من شركة Konami ??

Hideo Kojima مخرج و مطور سلسلة Metal Gear Solid و مدير ستيديوهات Kojima Productions التابعة لشركة Konami بدأ يحصل حجات غريبة النهاردة بخصوص وجود اسمه او بالتحديد اسم الستيديو الخاص بيه علي اي حاجة تخص الجزء اللي جي من السلسلة. و في اجتماع يخص اعضاء مجلس ادارة Konami و اللي هو عضو فيها مكنش علي لستة الحضور.

حاجة زي كده اشارت بشكل كبير لان Kojima من الممكن يكون استقال من الشركة لكنهم ردوا علي بعض المواقع و بالتحديد Videogamer و قالوا ان الشركة و بما فيها Hideo Kojima مازالوا شغالين علي العاب  Metal Gear و في اعلان عن اخبار مهمة قريب.

جدير بالذكر ان في وسط الاخبار دي تم كمان تحويل الحساب الرسمي للعبة علي تويتر من حساب Kojima Productions  لحساب تاني تماما خاص باللعبةو ستديو Kojima Productions LA بقي اسمه Konami LA

MGS fans! We’re officially moving accounts to: @metalgear_en Follow us now and don’t miss out on all the latest news! http://t.co/IrqnUOKYds

— Kojima Pro Live (@Kojima_Pro_Live) March 19, 2015

جدير بالذكر ان كوجيما قال من فترة ان الجزء الخامس من سلسلة Metal Gear Solid هيكون اخر جزء يشتغل عليه في السلسلة  لكن الوضع لحد دلوقتي حوتليه كم من الغموض , هل Kojima استقال او تم فصله من الشركة ؟ او مازال شغال معاهم بس الشركة اعادت تسمية الاستديوهات التابعة ليها بما فيها Kojima Productions ؟ الموضوع مش واضح و مع الوقت ممكن يوضح اكتر لكن اتمني ان ميكونش في تكرار لنفس اللي حصل مع Team Silent  مطور اول اجزاء Silent Hill و الاهم من كده  ايه هو مصير لعبة Silent Hills اللي لعبنا الديمو بتاعها الصيف اللي فات ؟