Khalid Ahmedفي Comic Con San Diego استضاف الصحفي Geoff Kieghly المطور الغني عن التعريف Hideo Kojima علشان يتكلمو عن لعبته الجديدة Death Stranding.
و كان اغلب الكلام عن الـMascot او الشخصية الممثلة للاستوديو الجديد و هو Ludens و بدأ الكلام عن تصميمات مختلفه لشخصيات اغلب الظن انها الاشكال الأولية لـLudens و كلها كانت قريبة منه و في منها الي كان ماسك اسلحه قديمه زي السيف و الدرع.
و لكن الغريب انهم يبدوا مرتبطين باللعبة بشكل اكبر و كان الزي بتاعهم زي ما هو واضح في الصور خليط بين المستقبل و الماضي بصوره كبيرة, و اتعرض بعد كده فيديو قصير مدته 40 ثانية للـStudio Mascot و كان الفيديو بيظهر شخصيه Ludens الي رجع Kojima و اكد انه مش شخصيه ليها علاقه باللعبة.
لكن مع كل ده الموضوع كان مريب , خصوصا مع ظهور الحوت الابيض الي ظهر علي الشاطئ في عرض اللعبة بتاع E3 , و مع ذلك ملوش علاقه فا ده شيء غريب بيفكرنا بالحوت الابيض الي اتعرض في اول عرض دعائي لـMetal Gear Solid V.
و اتكلم Kojima عن انهم المحرك قبل E3 و لسه بيكتب في القصه اثناء التطوير و ان هم بيجربو افكار جديدة في الـGameplay لسه لانه عايزه يكون مبتكر , و قال ان هيبقي في تأخير شويه خصوصا ان Redus هيبقي مشغول في الموسم السابع من The Walking Dead لكن هيشتغل بالتوازي علي الدورين.
و كان من الاسئله المهمه الي سألها Geoff , ايه هي النغمه الرئيسية او الفكرة الرئيسية في Death Stranding او الـMain Theme , زي ما كوجيما متعود دايما ان كل لعبه ليها Main Theme و كان رده علي كده انه مش عايز يحرق حاجه من تفاصيل اللعبة لانه لو اتكلم عنها كتير هيحرق التفاصيل , و لكنه حب يقول انك هتعيش في وقت مختلف , وقت متقدم و هتعاصر تجارب من الممكن تكون مرتبطة بالواقع و زمننا الحالي و تأثر فيه نقاش و قضايا موجوده حولنا.
Mohamed Ibrahim
Yousef ElAdawy
