تفاصيل جديدة عن الـCombat system في لعبة Dark Souls 3 و تأثره بـBloodborne

من بعد تقديم Bloodborne لافكار جديدة في اسلوب القتال الخاص بسلسلة Souls في سؤال دايما بيتسأل و هو ايه الجديد اللي ممكن تقدمه Dark Souls 3 من بعد الجزء دا؟؟

في العدد الاخير من مجلة Edge كان في تفاصيل عن اضافة في اللعبة اسمها ready stance او وضع الاستعداد ز من المفترض انها بتضيف تفاصيل اكتر للحركات القتالية في اللعبة و الفكرة دي اقرب لفكرة وجود شكلين للاسلحة المتواجدة في Bloodborne و مع استخدامها هيكون في حركات قتالية جديدة مش اشكال للاسلحة. زي علي سبيل المثال سلاح زي الـlongsword هيكون ليه حركة قتالية بتكسر اي حالة دفاعية من خلال حركة الشخص اللي بتلعب بيه للامام وقت الهجوم اما سلاح زي الـgreatsword فا ليه حركة قتالية بتوجهه بالطول بحيث الضربة من الممكن تطير الهدف في الهوا لمسافة قليلة من قوة الضربة.

و دي هتكون الاضافة الاساسية و الاهم للاسلحة في اللعبة و هتأثر علي اسلوب القتال بنسبة كبيرة. المفروض Dark Souls 3 هتنزل في 2016 علي Xbox One و Playstation 4 و PC.