تفاصيل جديدة عن مشروع Ken Levine مؤسس سلسلة BioShock

Ken Levine مؤسس سلسلة BioShock لسة مش مستعد انه يتكلم رسميا عن تفاصيل من لعبته القادمة, ولكن قال شوية حاجات عن اتجاهه في تطوير اللعبة ديه.

Levine قال في مقابلة, إن واحد من اهم اهدافه من ناحية التصميم في لعبته القادمة, اللي لسة ملهاش اسم, إن اللعبة يقدر اللاعب يعدها أكتر من مرة.

اللعب الـAAA كبيرة المزانية, اللي بتبقى عبارة عن سرد قصة في Single-player بس بدأت إنها تختفي.

معدش في لعب كتير بتتعمل زي BioShock. السبب الرئيسي لكده هو إن اللعب ديه مكلفة جدا وأنا على ما اعتقد إن أي Gamer بيقول بصوت عالي و واضح انه لو هيدفع $40, $50, $60 في لعبة لازم تجربتها تبقى على الأقل ما بين 10 لـ12 ساعة. و ده رقم كبير تطلبه من ستوديو.

ده كان تعليق Levine على الوضع الحالي في اللعب اللي هدفها الاساسي هو سرد قصة في عالم Offline تماما. طبعا هو مش بيعمم إن كل اللعب متقدرش تبقى كده, بالعكس في لعب زي Fallout 4 و The Witcher 3 على المثال السنة ديه بيقدموا تجارب ضخمة جدا.

احنا بدأنا التجربة ديه بعد ما خلصنا BioShock Infinite اللي ‘كانت إزاي تعمل لعبة سرد قصة زي اللي عملناهم قبل كده ولكن ممكن تلعبها تاني وتالت وتحس إنها بتكبر و بتتفاعل مع اللاعب؟’ الاجابة كانت عن طريق إنك تخلي المشاكل اللي في اللعبة ليها أكتر من حل وتخلي اللاعب هو اللي يبني التجربة الخاصة بيه.

الحل اللي Levine بيشير عليه هو حل كان قال اسم مخصوص ليه في Game Developer Conference و الأسم ده كان “Narrative Lego” الفكرة قريبة فعلا للـLego, عن طريق دمج Legos كتير بتصنع حاجات مختلفة دايما, نفس كلام ده ممكن يطبق نظريا في لعبة كل هدفها هو إنها تسرد قصة.

طبعا ده مثلا ميخلكش تتوقع إن لعبة Levine القادمة هي حاجة زي Minecraft, ولكن Levine أكد إن Irrational بتبني معادلة جديدة وهي قطع الـNarrative Lego ديه بتقدر إنها تدمج بشكل مختلف كل مرة.

Levine قال انه متوقع إن الناس هتبقى قادرة إنها تصنع القصة الخاصة بيها, عن طريق دمج Narrative Legos دول في “ملايين من الطرق المثيرة”.

الحاجة اللي احنا شغالين عليها هي لعبة Open-World صغيرة نوعا ما. في اللعب ذات العالم المفتوح إنت تقدر إن أنت تدي اللاعب قدرة انه يسوق التجربة, يتحكم فيها, وده شيء بيحارب طبيعة خطية اللعب اللي عملناها قبل كده زي BioShock.

Levine أكد إن اللعبة لسة مخلصتش ولسة مازالت تحت التطوير; وإن مش لازم كل تجارب Irrational تبقى نجحت. الستوديو ممكن يواجه مفاجآت غير سارة بسبب التجارب ديه.

Levine قال إن اللعبة هتبقى خيال علمي وهيبقى فيها ذكاء اصطناعي.