لعبة Telltale الجديدة ممكن تكون أول لعبة تكسب Golden Globe

Telltale بتحاول تجمع ما بين اللعبة والمسلسل في لعبتها الجديدة باختراع اسموا “Super Show”. في تعاون جديد ما بين Lionsgate وTelltale لتطوير الشبه مستحيل وهو هجين ما بين لعبة و مسلسل متوافقين.

Entertainment Weekly اتكلموا مع Kevin Bruner الرئيس التنفيذي لـTelltale عشان يشرحلهم يعني إيه Super Show وده حقهم لان الموضوع معقد وصعب.

الـ”Super Show” حلقة بتجمع جزء في لعبة ينفع تتفاعل معاها وجزء حلقة على طريقة المسلسلات بنص محدد والإتنين مع بعض يعملوا حلقة “Super Show”

ده كان تعليق  Kevin Bruner وهي ديه اللحظة اللي محوار Entertainment Weekly مسك نفسه ومقلوش لا يا راجل. طب ما احنا عارفين يعني إيه لعبة ويعني إيه مسلسل

بس عشان ما نظلموش هو كمل و قال التالي

واحنا بنطور السلسلة هنستخدم الجزئين في سرد القصة.

احنا هدفنا  إن احنا نصنع منتج عنده فرصة قوية إنه يكسب Golden Globe و Game of the Year. وده معناه إن كل جزء من المنتج لازم يكونوا من أحسن الأعمال اللي هنقدمها.
كل حلقة Super Show (اللعبة والمسلسل) هيطلقوا في السوق مع بعض عشان تقدر تبدأ بالجزء اللي على مزاجك إذا كان اللعبة التفاعلية أو الحلقة اللي بنص.
يعني على سبيل المثال لو عايز تبدأ با اللعبة الأول في عناصر معينة من الحلقة هتتغير على أساس اختياراتك في اللعبة ولو بدأت بالحلقة في اللعبة  هتتغير بناء (تنوين) على اللي شفته.

وبعد كده هو أكد إن مفيش جزء من اللعبة هيتم نشره من غير حلقة معه وكمان أكد إن الفكرة ديه هتطبق مع لعبة جديدة ولكن لم ينفي إن هي ممكن تطبق مع لعب موجودة حاليا كمان في كلام عن إن ممكن في المستقبل نشوف لعبة من Telltale على أحد مسلسلات Lions Gate وكمان أكد إن جودة الحلقات اللي اخده شكل المسلسل هتبقى رائعة حتى لو إتفرجت عليها لوحدها و لكن هايفوتك جزء اللعب التفاعلي.

ولما سأله عن هل كل المشاريع الجاية بتاعتهم هتكون كده قال إن هم ناويين يستخدموا الفكرة مع مشاريع تانية بس ديه مش هتكون الطريقة الوحيدة اللي يطوروا بيها لعب أو يطوروا في اساليبهم في تطوير الللعب.

بصراحة الفكرة مجنونة بكل معنى الكلمة بس ممكن تكون مجنونة لحد العبقرية والفكرة ديه لو نجحت هتفرق وممكن أخيرًا تخلق لحظة تاريخية……………………….. لما صاحبك او اخوك اللي بيعتبر المسلسلات والأفلام حاجة تستاهل الفرجة والفلوس يقتنع إن اللعب والـgaming هما كمان يستاهلوا  (في ناس كانت فكراني هأتكلم عن  الـGolden Globes) بس الفكرة ديه كمان ممكن تفشل فشل ذريع زي ماحصل قبل كده مع Defiance  وماحدش يسمع عنها بعد كده إلا في النكت لما نفتكر محاولة Telltale  الفاشلة بس نقطة لازم نفكر فيها قبل ما نقفل الموضوع اللي بيحصل ده مش بس بيفتح الباب لعمل لعب من مسلسلات زي Orange is the New Black و Mad Men ده بيشجع التطور والتجربة في عالم الالعاب وديه حاجة احنا محتاجينها بشكل عام.