ظهور اسم الجزء الجديد من Call of Duty بالخطاء علي الـPSN store

من خلال اخر تحديث للـPlayStation Store ظهر بشكل مفاجئ العنوان اللي علي ما يبدوا انه هيكون للعبة Call of Duty الجديدة و هو Call of Duty: Infinite Warfare.

و مع تأكيد تطوير اللعبة السنة دي من Infinity Ward و النظر لاسمهم و بعدين النظر لعنوان اللعبة نلاقي شوية تشابه لكن عموما مفيش اي تأكيد او رد رسمي بخصوص الموضوع دا و علي ما يبدوا ان الاعلان عن اللعبة قرب خصوصا ان الفترة الحالية في السنة اللي فاتت تم الاعلان عن Black Ops 3 من خلالها.

جدير بالذكر ان الجزء الجديد من السلسلة اتسرب معلومات عنه بكونه بيحصل في الفضاء الخارجي في المستقبل البعيد بشكل يخلي Black Ops 3 في العصر الحجري.