لعبة Star Wars: Battlefront مش هيكون فيها Classes أو Squads

Star Wars: Battlefront هتتحاشى بعض تقاليد األعاب الـMultiplayer Shooters علي ما يبدو.

في مقابلة تم نشرها في اخر عدد من OXM مع المصمم Niklas Fegraeus في DICE قال إن اللاعبين هيقدروا يختاروا إي معدات يحبوا يستخدموها بدل مايكونوا محددين بـClass

المعدات الجديدة بيحكمها معدل الـXP, بس المثير للإهتمام هو فكرة جديدة بتطرحها اللعبة وهي إنك ممكن تشارك الحاجات اللي بتعملها Unlock مع  Partner , فكرة النظام الجديد ده هو إن ممكن إنت وصاحبك تتفقوا إن كل واحد يعمل unlock لحاجات مختلفة و تزويد عدد الادوات و الاسلحة اللي معاكم من خلال بعض وممكن لاعب يكون فاتح حاجات كتيرة جدا يسمح للشخص اللي  بيشارك معاه إنه يستخدم سلاح قوي من اللي هو فتحهم و فكرة الـPartners بتحل محل Squads فـبدل ما تعمل Spawn على خمسة بتعمل Spawn على واحد ممكن تتبعه.

بالمناسبة اللعبة مفهاش aim down sights بمعني إن مفيش تصويب من خلال الاسلحة. و بصراحة الكلام ده منعش وفكرة التجديد واخد المخاطرات المحسوبة اللي  تم التخطيط ليها أنا دايما برحب بيها خصوصا إن نوعية الألعاب ديه بتعاني من حالة من عدم التجديد المرضية.