Khalid Ahmedستيديو Atlus المسؤول عن تطوير العاب زي Persona و Shin Megami Tensei اعلنوا عن ان هيكون في ستيديو و فريق داخلي جديد بأسم Studio Zero بقيادة المخرج Katsura Hashino مخرج ersona 5, Catherine, Shin Megami Tensei 3 و هيكون الستيديو موجه لتطوير لعبة جديدة و هي Project Re Fantasy.
اللعبة هتكون RPG بعيدة في الافكار و التصميم بشكل كبير جدا عن اي سلاسل خرجت من الستيديو قبل كده و هتهتم بتقديم ما هو اقرب للتجربة التقليدية لالعاب الـRPG اليابانية القديمة و هيكون في تحدي كبير لان التصميم الخاص باللعبة مناسب للتصاميم المعاصرة من الالعاب.
اللعبة اتعرض منها مجموعة رسومات فنية تقدروا تشوفوها تحت من خلالها اتعرض الشكل و العالم الخيالي اللي اللعبة بتطمح انها تقدمه, و المطورين اكدوا علي ان طموحهم عالي جدا لتقديم عالم خيالي فيه كم ضخم من التفاصيل و اللعبة المفروض انهم هتنزل لاجهزة الـConsoles بدون تحديد فترة اصدار او ايه هي الاجهزة المتوقع اصدار اللعبة عليها.
