Khalid Ahmedكلنا عارفين ان Shenmue 3 قيد التطوير حاليا لكن ايه وضع الجزء الأول والتاني اللي هيخلوا البعض من اللي ملعبوش الجزئين دول يخوضوا فالاجزاء القديمة قبل صدور الجزء التالت ويعرفوا عنها اكتر.
صرح مدير المجتمع في شركة سيجا في فيديو Q&A ان مطورين اللعبة بيبحثوا فالأمر وقال ان اعادة اصدار الاجزاء القديمة مش بالمهمة السهلة زي ما البعض متخيل وعلي حد قوله
“للأسف الموضوع مش بنفس سهولة عمل بورت للألعاب علي الجيل الحالي لاننا منقدرش نعمل الاجزاء القديمة بمعايير جودة اقل مما كانت عليه وعشان كدة الامر هيتطلب جهد كبير واكبر مشكلة بتواجهنا تتعلق ببعض رخص المحتويات اللي كانت متواجدة فالجزئين الأول والتاني لكن أكد ان الامر قيد البحث وفكرة عمل ريماسترز للجزئين مش بعيدة.
وذكر موقع engadget فيما يتعلق بمسألة التراخيص ان الجزء الاول والتاني من السلسلة كان ليهم بعض الصلات والعلاقات من الناحية الترويجية للنسختين الامريكية والاوروبية لكن الصلات دي كانت من وقت طويل جدا ما يقارب ال 16 سنة ولذلك شايفين انهم لو اخدوا قرار عمل ريماستر للجزئين علي الجيل الحالي مش من حق اي طرف انه يلاحقهم قضائيا او يطالب بأي نوع من المنفعة. ومن الواضح ان عدد كبير من محبي السلسلة دي منتظرين الجزء الجديد بفارغ الصبر والدليل ان علي موقع Kickstarter وهو احد مواقع Crowdfunding او التمويل بالاشتراك تم تجميع مبلغ 6 مليون و 300 الف دولار عشان يبدئوا فمشروع الجزء التالت ونفس الفكرة تمت علي موقع Slacker Backer وجمعوا مبلغ 230 الف دولار …اللعبة متوقع صدورها في نهاية عام 2017.
Mohamed Ibrahim
Yousef ElAdawy
