الاعلان عن Source 2

Valve اعلنت عن Source Engine 2 في GDC 2015 وهيبقى ببلاش, وكده هيبقى ده تالت Engine يبقى ببلاش.

Valve متكلمتش كتير عن امكانيات المحرك, ولكن هيبقى مركز جدا على “creator productivity”.

Jay Stelly من Valve قال التالي

احنا كلنا عارفين قد إيه المحتوى اللي بيقدمه المستخدم مهم جدا في اللعب “User Generated Content”

Source 2 مش مصمم للمطورين المحترفين, ولكن هيجعل اللاعبين يشاركوا في تطوير و صناعة حاجات جوه اللعبة.

Source 2 هيبقى متوفر ببلاش. و مع الاعلانات من Epic و Unity انهم هيبقوا متوفرين ببلاش ده هيساعد سيطرة PC في صناعة المحتوى.

Source 2 هيدعم Vulkan, وده Cross-platform, cross-vendor 3D Graphics API. وده هيسهل على المطورين و صانعي الهاردواير انهم يعملوا Graphics تحفة. ممكن تكون سمعت عنه باسم Next Generation OpenGL.

صورة اللي انتم شايفنها فوق كانت من مسربة من زمان جدا لـLeft 4 Dead 3 وهي شغالة على Source 2.

هل ده معناه إن احنا هنشوف Half Life 3 أو Left 4 Dead 3 قريب؟