Khalid Ahmedاكدت Valve انها تخلت عن فكرو بيع الـMods علي Steam Workshop من خلال لعبةElder Scrolls V: Skyrim.
في الفترة اللي فاتت حصل جدال كبير بسبب حاجة زي دي و اعتراض شديد من الناس بسبب ان الـMods طول عمرها متوفرة بشكل مجاني , و في الاسبوع اللي فات برضو Bethesda قالوا انهم عندهم النية يطبقوا النظام دا علي العاب تانية غيرElder Scrolls V: Skyrim.لكن Valve اعلنت ان نية تطبيق الفكرة دي تم التخلي عنها و مش هتكون موجودة في Skyrim Workshop و اي حد دفع فلوس مقابل اي Mod هيتم تعويضه بالمبلغ اللي دفعه تاني.
Vlave في تصريحهم قالوا ان هدفهم كان دعم مجتمع الـMods و يخلوا اي مصمم يقدر يمارس عمله بشكل يضمنله مبلغ مادي يساعده علي الاستمرار في تصميمه لاي Mod بالاضافة للفت اهتمام المطورين باهمية الجانب دا في اي لعبة و ان الموضوع كان هيبقي اختياري مش اكتر , و قالوا ان في Mods في الاخر اتحولت لالعاب كبيرة زي Dota, Counter-Strike,Killing Floor. لكن مع الهجوم اللي حصل و غضب الناس تجاه القرار دا خصوصا لما Gabe Newell عمل جلسة اسئلة و اجوبة علي Reddit و لاحظ غضب الناس من الفكرة دي.
Mohamed Ibrahim
