Khalid Ahmedمن فترة ستيديو Dontnod اللي قدم لينا مؤخرا لعبة Life is Strange اعلن عن لعبة RPG جديدة و هي Vampyr تفاصيل اللعبة هي انها بتحصل في لندن في اوائل القرن العشرين اثناء تعرضها لوباء الانفلونزا الاسبانية و بينتشر في المدينة مع الوباء مصاصين دماء اللي بسببهم بتنتشر الفوضي اكتر.
في اللعبة انت هتقوم بدور Jonathan E. Reid ضابط جراح اتحول لمصاص دماء مع رجوعه من الحرب. اللعبة هتقدم عالم مليان غموض و اسرار عليك اكتشافها وكم من الشخصيات المميزة اللي هتقوم مهمات اللعبة علي التعامل معاهم بشكل مباشر. لكن اللعبة تحديدا هتخليك مضطر تتغذي علي ضحايا بتقابلهم لانك مصاص دماء زي ما اتذكر من ثواني و في قرارات صعبة جدا في اللعبة مبنية علي النقطة دي و اختيار الضحايا اللي هيكونوا مصدر غذاء ليك.
القتال في اللعبة هيكون قتال بالايد بقدرات خاصة بمصاصي الدماء و الاعتماد علي استخدام اسلحة طويلة المدي و هيقابلك اعدء منهم مصاصي الدماء زيك او كائنات سحرية او صيادي مصاصي دماء برضو.
اللعبة هتقدم نظام تصنيع اسلحة عميق و بيوفر لللاعب مواد بيصنع اسلحته و ادواته منها بيكون مصدرها الجثث المقتولة حديثا علي ايدك.
اللعبة المفروض هنزل في 2017 للـPlaystation 4 و Xbox One و PC.
Mohamed Ibrahim
