إشاعة: Call of Duty القادمة اسمها Bloodline وهتبقى في فترات زمنية مختلفة

انه الوقت من السنة اللي دايما بنشوف بداية التسريبات عن الجزء القادم من Call of Duty, و بعد كام أسبوع بنشوف التأكيد.

المهم, الجزء القادم من Call of Duty اللي بيقوم تطويره ستوديو Infinity Ward حاليا هيبقى اسمه Bloodline ويبدو كده انه هيبقى في فترات زمنية مختلفة. المشاع حاليا إن اللعبة هتبقى في حرب العالمية الأولى, التانية و الوقت الحالي والمستقبل, بمعنى اصح; الماضي, الحاضر, المستقبل.

اللعبة ممكن تبقى برضه في فترة الحرب العالمية الاولى أو الثانية فقط, أو كلعادة في المستقبل.

كل الكلام ده جه من مصدر قريب من Nintendo, أيوه Nintendo. المصدر ده كان قام بتسريب تفاصيل عن قوة الـPS4 و Pokemon, وكان لسة من قريب مسرب تفاصيل كاملة عن جهاز Nintendo القادم وهو NX, الشخص ده هو Geno.

Geno كشف إن Activision شغالة على اصدار Skylanders على Nintendo NX مع الجزء القادم من Call of Duty وده خلال خريف 2016.

في 2017, الشركة هتتعاون مع Platinum Games لصناعة لعبة خاصة بـSpider Man وهي Spider-Man: The First Avenger والجزء ده هيبقى ليه علاقة بالعالم السينمائي الخاص بـMarvel.

Nintendo بتحاول إنها تحصل على البيتا الخاص بـDestiny كـ شيء حصري متوفر على Nintendo NX. الجزء التاني من Destiny من المفترض انه هينزل في 2017.

Activision هتنزل نسخة كاملة من Destiny بكل المحتوى المتوفر فيها على NX في أول 2017.