Halo 3: ODST campaign هتنزل في Master Chief Collection مايو القادم

لو فتحت Halo: The Master Chief Collection النهاردة هتلاقي تحديث حجمه 1.6GB بيعدل حاجات بسيطة, من Ranking لحد Matchmaking. ولكن مش ده السبب الرئيسي للتحديث.

الكلام التالي كان مكتوب تحت في تفاصيل التحديث

احنا متشوقين جدا بالتقدم اللي عملناه في Remake خرائط Relic و Campaign الخاصة بـHalo 3: ODST, كلاهما على الطريق الصح عشان ينزلوا الشهر اللي جي في تحديث لـHalo: The Master Chief Collection.

احنا عارفين عن المشروع ده من فترة, وانه هيبقى ببلاش لأي حد لعب اللعبة ما بين 19 ديسمبر السنة اللي فاتت – ولكن ده أول تأكيد لينا عن موعد اصدار الاضافة ديه.

مفيش برضه أي تأكيد ODST هتكلف كام للي لعبوها بعد الفترة المحددة, وبرضه مفيش أي تأكيد عن سعر الخريطة الخاصة بـHalo 2