Yousef ElAdawyبالرغم من كل الاشاعات الخاصة بـNintendo NX, احنا حاليا منعرفش حاجة نهائية عن الجهاز. ولكن Tsunekazu Ishihara رئيس The Pokemon Company كشف بعض التفاصيل عن الجهاز, و اكيد حد في مكانة الحالية عارف أكتر من اللي العامة عارفينه.
خلال حديث مع The Wall Street Journal, كشف إن Nintendo بتحاول إنها تغير فكرة الـConsoles الأساسية, و إيه معني إن الجهاز ده يبقى Console و تاني يبقى Handheld/محمول زي الـ3Ds.
كلمته ديه ممكن تكون بتأكد اشاعة إن الشركة شغالة حاليا على هجين ما بين Consoles و Handheld Devices.
Ishihara أيضًا كشف إن الشركة هتقوم بتطوير لعب على الـNX, و ده تعليق مثير جدا بسبب إن لعب Pokemon دائما بتنزل على الأجهزة المحمولة, بداية من الجيل الأول من GameBoy.
طبعا ممكن يبقى قصده على حاجة زي Pokemon Rumble أو الـSpin-offs الأخرى اللي كانت متوفرة على الـConsoles و ده محتمل جدا – إلا لو الـNX فعلا عبارة عن هجين.
حتى الآن مفيش موعد رسمي خاص بالكشف عن الجهاز غير انه السنة ديه, ولكن الجهاز هينزل في مارس 2017.
Mohamed Ibrahim
