كل اللي تحتاج تعرفه عن مستقبل Star Wars: Battlefront

EA كشفت عن المحتوى المجاني و المحتوى اللي هيبقى متوفر لملاك الـSeason Pass.

أولا المحتوى المجاني هيبقى زي شهري شوية. اللعبة بدأت النهاردة بأول محتوى مجاني وهو خريطة جديدة للـMultiplayer و Missions. اللعبة اخيرا هيبقى فيها Private Matches, و Hero Outfits جديدة لـLuke Skywalker و Han Solo.

الخريطة الجديد اسمها Raider Camp وهتبقى متوفرة في Game Modes التالية: Blast, Droid Run, Drop Zone, Hero Hunt, Heroes vs Villains.

وDICE كشفت إن هيبقى في تحديات يومية و Community Events. وطبعا تم تقديم تعديلات كتير للأسلحة عشان يتم ظبط اللعبة أكتر. لو عايز تعرف التعديلات من هنا.

التحديث الخاص بيناير متوفر حاليا و حجمه حوالي 1 جيجا.

نتكلم بقى عن مستقبل اللعبة, EA كشفت إن على مدار السنة ديه هيبقى في محتوى مجاني أكتر وطبعا كشفت عن المحتوى الخاص بـSeason Pass. وقالوا انهم مهتمين بـ أراء المجتمع الخاص باللعبة و دايما هتبقى تحت الأعتبار.

تحديث فبراير القادم المجاني هيحتوي على مهمة Survival جديدة على Hoth و خريطة كبيرة جديدة للـMultiplayer. الخريطة ديه هتدعم الـGame Modes الضخمة زي Walker Assault, Supremacy, Fighter Squadron و Turning Point.

وبما إن تم ذكر Turning Point, فـMode ده هيبقى متوفر في فبراير على كل الخرايط اللي بتدعم Walker Assault و Supremacy.

في مارس, خريطة جديدة على Endor هتنزل هتدعم الـModes الضخمة برضه. وهيبقى في خريطة Survival جديدة على Tatooine.

ملاك الـSeason Pass هيحصلوا على خرائط, أسلحة, Heroes, Modes والمزيد على مدار السنة.

قائمة الأضافات بشوية تفاصيل:

• Star Wars Battlefront Outer Rim (مارس 2016): الاضافة هتبقى متاحة في Outer Rim وهتقدم خرائط في Sullust و قلعة Jabba the Hutt في Tatooine
• Star Wars Battlefront Bespin (صيف 2016): اضافة في مدينة السحاب Bespin
• Star Wars Battlefront Death Star (خريف 2016)
• Star Wars Battlefront Expansion Pack: أول 2017 و مفيش أي تفاصيل عنها حاليا