Assassin’s Creed Unity هيبقى فيها Microtransactions

Ubisoft كشفت إن Assassin’s Creed Unity هيبقى فيها Microtransactions عشان تساعد في تسريع اللعب.

الـMicrotransactions وهي دفع الفلوس جوه اللعبة عشان تاخد محتويات ممكن تكون مقفولة وإنت مش عارف تفتحها أو عايز تفتحها بسرعة, أشكال اضافية Skins للطقم وهكذا.

هو مش واضح إيه بالظبط هتبقى الـMicrotransactions ديه وإزاي هتأثر, ولكن تقارير بتقول إن الحاجات ديه ممكن تفتحها أو تشتريها. وده هيخلي اللاعب يفتح الحاجات ديه اسرع.

Vincent Pontibrand في نقاش مع OXM قال إن فريق التطوير كان حريص جدا وهو بيحط الحاجات ديه عشان اللعبة تبقى موزونة وإن دور الـMicrotransactions هو تسريع اللعبة بس مش أكتر عشان اختصار الوقت وكده.

Assassin’s Creed Unity هتنزل 28 أكتوبر على PS4, Xbox One و PC.