مناقشة عرض القصة الجديد الخاص بـBatman: Arkham Knight

الفيديو فيه Poison Ivy اللي بنشوفها لأول مرة في شكلها الجديد وبيركز أكتر على Scarecrow و Arkham Knight بيظهر في الخلفية مرة.

Poison Ivy بتحكي لـBatman عن اجتماع Scarecrow عمله وحضروا “كلهم” والفيديو بيورينا ساعتها Riddler و Two-Face و Penguin وHarley و طبعا Arkham-Knight اللي شكله هيبقى الدراع  اليمين لـ Scarecrow من  شكل الفيديو.

بس مش ده بصراحة اللي اثار اهتمامي ………………………… بص خلينا صراحة ده هبلني وخلاني عايزاللعبة النهاردة قبل بكرة خصوصا العبقرية في تغير شكل Scarecrow وإنه بقى مخيف أكتر وطريقة كلامه تحسسك بقد إيه هو عنده خطة وواثق من اللي هو بيعملوا لدرجة إنه بيعلن لـBatman إنه خلاص خسر.

بس ……أكتر حاجة كنت حاسس الفيديو عايز يوصلها لينا هي الكلام ما بين السطور علي سبيل المثال: حجم اللعبة ديه اولا الخريطة شكلها ضخم مش  من ناحية المساحة العرضية بس المساحة الطولية…… إيه كلام هندسة معماري ده؟؟؟؟ اقصد انهم بقوا بنين Gotham كطبقات والمباني بقت أعلى بكتير وده يخليك تسأل هو لسة فيه حتت في Gotham ماظهرتش في اللعب اللي فاتت والإجابة آه لسة فيه كتير بس هم اقل شهرة  من Crime Alley و Ace Chemicals  لإن ديه حتت محورية.

غير كده فيه حاجة أنا مستغرب إن مفيش حد علق عليها لحد دلوقتي وهو ظهور Firefly في الفيديو ;Firefly ده كان واحد من القتلة المأجورين في Arkham Origins هل ده معناه إن في شخصيات في اللعبة احنا لسة ما شوفنهاش رأيي الشخصي أيوه وألف أيوه مفيش ولا جزء مكنش فيه ولا Killer-Croc ولا Bane غير كده ظهور FireFly بيبشر إن ممكن بعض القتلة المأجورين اللي ظاهروا في Origins يظهروا في الجزء ده وإن هيكون في محتوى مهام جانبية ثري ده غير مثلا تعمد الفيديو إنه يوري حتة زي China Town بتكرار وده معناه إن كل احداث الفيديو اللي بنشوف فيها الـTakedowns الجديدة بتحصل في حوالي مسافة بلوك عمرات أو إتنين ده غير إن في ناس لقيت كود بيظهر جانب وش Scarecrow لما بيظهر في النهاية واسم Johnny Charisma اتكرر في كذا فيديو من فيديوهات اللعبة وموجود في الفيديو ده كمان في ناس هتشوك إن احنا بنبالغ بس احنا بنتكلم عن فريق مطورين كان حطت easter eggs عن Arkham City  في Arkham Asylum الناس ديه مابتهزرش يا جدعان.. و سايبين اشارات لشخصيات من DC كتييير اقوي في الفيديوهات.

آخر حاجتين هو إن في تلت شفرات Rocksteady حاطتهم في frames في الفيديوهات (عايز واحد يقولي ببالغ تاني؟) عشان نحاول نفكهم عشان نفتح صفحة  Persons of interest الرسمية على موقع اللعبة. Persons of interest مش بعيد تورينا هنقابل مين في المهام الجانبية.
وال تانية هي مجرد نظرية عن شخصية Johnny Charisma اللي الواحد مش لاقي معلومة واحدة عنه في إي database من databases DC وإن هو الـJoker  بعيدة أنا عارف وهيطلع شكلي أهبل لو مطلعش هو بس تخيل معايا لو طلع هو ;)

” The Man, The Myth, The Legend “

بالمناسبة عشان منساش للعبقري الكودس اهي

pPLa2a3Mn

Ppi3mAMpyL2

c Rcn3n3 N2Jn3tjHn2

ربنا معاكوا واللعبة هتنزل السوق 2 يوليو 2015 و النشاط البشري هيوقف تماما علي 3 يوليو 2015.

https://www.youtube.com/watch?v=2EyXRkuSq5M