ستوديو BioWare يلغي تطوير Shadow Realms

BioWare Austin لغوا تطوير Shadow Realms, الـMMO القادمة حصريا على PC. جدير بالذكر إن اللعبة كان تم الاعلان عنها في Gamescom السنة اللي فاتت, وكان في اعجاب شديد من الناس اللي حضرت وجربت اللعبة.

Shadow Realms, كانت لعبة Multiplayer 4v1 وكانت تحت التطوير في BioWare Austin. مدير الستوديو Jeff Hickman نزل تحديث عن سبب الغاء اللعبة.

النهاردة احنا هننشر أخبار مهمة جدا عن Shadow Realms و الستوديو الخاص بينا BioWare Austin. احنا اتخذنا القرار إن احنا منكملش تطوير Shadow Realms. احنا عارفين إن الأخبار ديه محزنة جدا لبعض جماهيرنا

الفريق فعلا عمل شغل رائع جدا مع فكرة اللعبة و كان في ردود أفعال رائعة جدا من جماهيرنا خلال تجربة اللعبة, حاليا في مشاريع تانية للفريق هيشتغل عليها, المشاريع ديه للسنين القادمة وما بعدها. احنا معانا فريق موهوب جدا هنا في أوستن

من المشاريع ديه هي تحسينات لـDragon Age: Inquisition, و الجزء القادم من Mass Effect و مشروع تاني جديد. ولكن اهم تركيز في الستوديو هنا هو Star Wars™: The Old Republic™. أي حد من محبي Star Wars عارف إن ديه سنة مهمة جدا وضخمة في عالم Star Wars, واحنا عندنا خطط جيدة جدا لتوسيع اللعبة, وهننشر أخبار أكتر عن المشاريع ديه في الأسابيع القادمة.

لكل الناس اللي سجلت في Alpha المغلقة الخاصة بـShadow Realms, احنا شغالين على طريقة نشكركم بيها. وكل الناس اللي قالتلنا عن رأيها في Gamescom و PAX, وعلى الإنترنت فإحنا بنحب إن احنا نشكركم جدا.