Dead Island 2 تعود

Dead Island 2 تعود إلى مرحلة التطوير بعد فترة كبيرة من وقف تطوير اللعبة بسبب رحيل ستوديو Yager من عملية التطوير.

Yager كانوا قالوا إن سبب رحيلهم هو إن رؤيتهم للعبة اصبحت مختلفة عن رؤية ناشري اللعبة Deep Silver. وبعدها ستوديو Yager كشف عن افلاسه.

Dead Island 2 ليها تاريخ مليان مشاكل من ساعة لما تم الكشف عن اللعبة, و رحيل مؤسسي السلسلة Techland.

ولكن دلوقتي اللعبة بيتم تطويرها من قبل الستوديو البريطاني Sumo Digital. 

Dr Klemens Kundratitz رئيس Koch قال التالي

Sumo وريتنا قد إيه هم فاهمين السلسلة, وعندهم أفكار مبتكرة و رؤية ممتازة متوافقة مع الرؤية الخاصة بينا.

احنا شوفنا انه من الممتاز إن احنا ننقل المشروع ليهم. هنكشف عن تفاصيل أكتر قريب, ولكن دلوقتي أنا عايز اقول إن احنا متشوقين جدا بالشغل و التقدم اللي عملينه مع الستوديو حاليا.

Sumo Digital, ستوديو اتأسس في شيفيلد, عنده CV مليء بالمشروعات اللي عملها كاملة أو ساعد فيها. الستوديو معروف بشدة بسببب سلسلة Sonic & Sega All-Stars Racing.

الستوديو اشتغل مع Microsoft و Sony. هم اللي اشتغلوا على LittleBigPlanet 3. و مع Microsoft هم حاليا بيساعدوا في تطوير Crackdown 3. الستوديو ساهم في تطوير Forza Horizon 2 و Xbox Fitness.

اللعبة كان من المفترض إنها تنزل في ربيع 2015. ولكن دلوقتي مفيش موعد نهائي غير إنها هتنزل في 2016.