Khalid Ahmedعلي عاده لعبه Dishonored الجزء التاني بيقدم جيمبلاي كويس جدا و مبدع لدرجه ان المطورين نفسهم انبهرو من ان الناس الي بيختبروا اللعبة دلوقتي تبع الشركه عملو حاجات المطورين متوقعوش وجودها او انها تحصل .. مخرج اللعبه Harvey Smith قال لـOXM ان اللاعبين بيعملو حاجات هم مشافوش انها ممكن تتعمل بسبب الابداع الي ممكن تخلط بيه كذا مهاره و يعملو حاجه جديده
و علي كده شخصيه Emily و هي واحده من الشخصيتين الي بتلعب بيهم عندها مهاره اسمها Domino بتخليها تربط كل اعدائها ببعض و الضربه الواحده تاثر عليهم كلهم و في مهاره تانيه بتتيح ليها انها تخلق شبيه ليها , في واحد من المختبرين خلق شبيه و ربطه بالاعداء و قتل الشبيه بدون ما يوري نفسه للاعداء حتي و بكده ماتو كلهم
رئيس التصميم فاللعبه Dinga Babaka قال ان في حد من Arkane جه ساله قبل كده اذا كان ينفع اللغم يشتغل عن طريق الشبيه بتاع Emily .. رد Babaka و قال انه مش بيرد عالاسئله دي شفهيا هو قام عامل شبيه للشخصيه و زرع لغم عليه و لما الاعداء قربوله انفجرو معاه و قتلهم برضو من غير اشتباك عادي , و قال لو الموضوع هيعجب عشاق اللعبة فا هما لازم يهتموا بيه و يطوره
لعبه Dishonored 2 هتنزل في 11 نوفمبر علي PCو Xbox one و PS4
Mohamed Ibrahim
Yousef ElAdawy
