اشاعة : GTA V علي الجيل الجديد والـPC هيبقي فيها First Person Mode

من فترة قدر بعض الناس عن طريق التلاعب في ملفات لعبة GTA V علي الـXbox 360 انهم يخلوا اللعبة تشتغل First Person.

لكن يظهر ان Rockstar ناوية تحط من ضمن مميزات النسخة الجديد اللي هتنزل علي الجيل الجديد والـPC انه تتلعب برضوFirst Person  , و دا وضح من خلال صفحة اتشالت من الموقع الخاص بـRockstar لكن واحد من مستخدمي موقع Reddit قدر يوصل للـCache بتاع الصفحة.

و كان مكتوب ان هيتم اضافة First Person Mode لسواقة العربيات يوضح تفاصيلها الداخلية بشكل كبير و كذلك وجود حاجة زي كده و انت ماشي علي رجلك.

اللعبة المفروض هتنزل بشكل رسمي يوم 18 نوفمبر للـXbox One و البلاي ستيشن 4 و 27 يناير 2015 للـPC.