ديه لعبة مطوري The Order: 1886 القادمة

ستوديو Ready at Dawn مطوري The Order: 1886, حاليا بيطوروا مشروع جديد … هو مش جديد قوي يعني.

اللعبة هي De-formers و المشروع ده كان موجود في الستوديو من قبل 2014 كده.

Andrea Pessino من Ready at Dawn قال التالي عن De-formers و عودتهم لتطوير المشروع

المشروع كان بيتم ذكره كذا مرة في اجتماعتنا. الفكرة الصغيرة ديه. و إزاي نقدر نخليها لعبة. كنا اجلنا الشغل على المشروع ده لما كنا شغالين على The Order. دلوقتي احنا رجعناله. المشروع ده مختلف بشدة عن أي حاجة احنا عملناها قبل كده.

اللعبة ديه بشكل عام عبارة عن لعبة حركة, دايما هتشجعك إنك تتحرك كتير لو عايز تفضل عايش. De-Formers هي لعبة هجوم و هروب. الهدف هو تدمير أعدائك اللي على شكل كروي عن طريق قدرات خاصة. أو ترميهم من الحافة زي Super Smash Bros كده.

لما بتدمر أعدائك بتكبر و بتحصل على قوة أكتر. ده بيخليك لازم تهاجم دايما بدل ما تفضل تهرب و تستنى Game يخلص و ميتبقاش حد. لو بتلعب حلو هتبقى واحد من اكبر الأعداء على الخريطة, و ده بيجعلك قوة جدا, ولكن هتصبح هدف واضح للكل.

اللعبة هتنزل على PS4 و Xbox One و PC ولكن مفيش كلام عن هتنزل امتى بالظبط.