ناشري Homefront يعتقدوا إن اللعبة نزلت بدري جدا

Deep Silver ناشري Homefront: The Revolution شايفين إن اللعبة حققت نجاح أقل من المتوقع.

Deep Silver شايفين إن هم نزلوا اللعبة بدري قوي. اللعبة كانت من المفترض إنها تبقى زي Reboot للسلسلة بعد عدم جذب جماهير للجزء الأول, ولكن للأسف الجزء التاني واجه مشاكل كتير وفشل أيضًا في الوصول لقاعدة جماهيرية كبيرة. Deep Silver جلسوا مع نفسهم وشافوا إيه السبب في عدم نجاح اللعبة, و حسب روئيتهم, فـ جزء كبير من المشكلة كان إن اللعبة نزلت بدري جدا – مع احتساب إن اللعبة تم تأجيلها أكتر من مرة.

 Paul Nichollos مدير التسويق تحدث عن عدم وصول اللعبة للنجاح المتوقع مع MCV و قال التالي:

اللي واضح جدا في السوق حاليا, هو إن الجودة هي الملك و مشاريع ضخمة جدا بتعاني من ارقام ضعيفة حاليا, احنا اتعلمنا دروس كتير في الفترة اللي فاتت عن إيه اللي هنعمله قدام. مش بس جودة المنتج, ولكن عند اصدار المنتج … فريق التطوير في Dambuster أدوا شغل رائع في تطوير اللعبة. شغلهم على اللعبة, تصليح مشاكل اللعبة بعد اصدارها عن طريق تحديثات وهكذا

حاليا احنا بنحصل على ردود أفعال ايجابية جدا مقارنة بردود الأفعال اللي حصلنا عليها وقت اصدار اللعبة, فـ اكبر درس اتعلمناه هو التوقيت.

Homefront: The Revolution متوفرة الآن على PC, PlayStation 4 و Xbox One.