الكشف عن Resistance Mode و موعد البيتا المغلقة الخاص بـHomefront: The Revolution

Dambuster Studios مطوري Homefront: The Revolution كشفوا عن Resistance Mode وموعد البيتا المغلقة و pre-order Bonus الخاص باللعبة.

Resistance Mode بيسمح للاعب و صحابه انهم يأسسوا خلية مقاومة ويبدأوا في حرب شوارع ضد جيش الـKPA. الـMode ده هيبقى فيه مهمات و هيبقى ليهم قصة بتحصل في فيلادلفيا المحتلة.

اللاعبين هيقدروا انهم يفتحوا قدرات, أسلحة, ومعدات من اجل تعديل وتحسين الفريق.

مطوري اللعبة عندهم خطة لاصدار محتوى كبير ومجاني بعد اصدار اللعبة, المحتوى ده هيتم الكشف عنه في وقت لاحق.

مدة الـSingle-Player هتبقى 30 ساعة, و Resistance Mode هيقدم 12 مهمة وطبعا ممكن تعيدهم زي ما إنت عايز و هيتم اصدار 20 مهمة في أول سنة للعبة. كل مهمات الـResistance هتبقى مجانية.

اللي هيعملوا pre-order للعبة هيحصلوا على Revolutionary Spirit Pack.

برضه تم كشف تفاصيل عن البيتا المغلقة الخاصة باللعبة على الـXbox One.

البيتا هتبدأ يوم 11 فبراير وهتخلص 14 فبراير. الأماكن هتبقى محدودة جدا والطريقة الوحيدة إن الواحد يدخل البيتا ديه هو بالحصول على Xbox One Beta Token. و ديه حاجة Deep Silver و Xbox هيقوموا بتوزيعها على مدار الشهر اللي جي.

ممكن برضه تسجل من هنا, عشان يبقى عندك فرصة أحسن.

اللي هيشاركوا في البيتا هيقدروا يجربوا الـResistance Mode.

اللعبة من المفترض إنها تنزل يوم 17 مايو في امريكا الشمالية و 20 مايو في اوروبا على PC, PlayStation 4 و Xbox One. أما نسخة Mac و Linux فـ لسة مفيش موعد نهائي.