Khalid Ahmedفاكر من فترة كان فيه لعبة نزلت على Steam ببلاش لمدة يوم تقريبا وفي شوية ناس قراروا يجرابوها واكتشفوا إن مع إنك ممكن تحس إن اللعبة متواضعة شوية بتكتشف بعد شوية ان اللعبة فعلا حلوة و بتسمحلك تصب فيها عدد مش صغير من الساعات إنت واصحابك وأنتم مبسوطين وعاملين تحربوا جيوش من الـZeds.
اللعبة ده كانت Killing Floor ودلوقتي بيتم تطوير الجزء التاني ليها وفي بداية الدعاية للعبة ديه وعدونا إنها هتبقى Gory جدا ومليانة دم و أحشاء واجزاء واجسام بتطير وتنفجر ودم في كل حتة وشفنا Trailer مش وحش عن الكلام ده , اللي حصل دلوقتي ومخليني هتهبل وألعب اللعبة ديه هو Gameplay نزلها يثبت الكلام ده كله وأكتر اللعبة مش سهلة وبتتحداك إنت واصحابك بـwaves كلها تصعيدية وأصعب من اللي قبلها بس مش بس في اعداد الوحوش بس كمان في أنواعهم اللي فعلا بتعمل فرق. بس إي حد ممكن يمسك Assault Rifle ويقضي على جيش من الوحوش الغبية اللي ماشية ورا بعد في صف وجايين عشان يموتوا صح ؟؟؟؟ لا غلط ,اللعبة بتعتمد جدا على التعاون وعلى ان الفريق يبقي متوزع بأستراتيجية معينة و هتلاحظ في الفيديو إني اللي بيلعبوا مش بس بيتحركوا من مكانهم بين الـwaves ده هما بيدوروا على المكان المناسب والأمثل لمحاربة الـZeds .
كمان اللعبة فيها أنواع Classes مختلفة ممكن متحسش بالفرق قوي مابينهم في الفيديو ده بس لو ركزت هتلاقي إن في ناس Damage Dealers و ناس تانية تعتبر Precession shooters غير كده فيه عدد كويس من الاسلحة والادوات اللي كتير منها مميز للعبة زي eviscerator و pulverizer ده غير الـPerks وفيه في أول الفيديو لمحة لنتيجة الـCharacter Customization كل ده حمادة وكمية الدم اللي فيه اللعبة حمادة تاني خالص ……. دم في كل حتة كميات دم تخلي Quentin Tarantino شخصيا يوقع فحب اللعبة ديه.
من الحاجات المميزة في اللعبة هو تصميم الوحش وأنواعهم و إن فيه منهم وحش خطر لدرجة إن ردت فعل اللاعبين بتتغير تماما لما يبقوا موجودين وده بيخليك حتى لو مش عارفهم (الوحش يعني ) تدور عليهم وعشان كده اللعبة عملت فيديوهات بتوريهملك من قريب إلا واحد و ده اللاعبين باجماع كانوا بيركزوا معاه وهو الـScrake وده مش هتلاقي في الفيديوهات لانه زي مفاجأة كده.
Yousef ElAdawy
