الأنشطة الجانبية الخاصة بـMass Effect: Andromeda هتحتوي على Bosses و قواعد خاصة بالأعداء

يبدو كده إن Andromeda هتبقى مليانة أنشطة جانبية.

احنا عارفين إن مهمات الـLoyalty هترجع ولكن مش هيبقوا متصلين بالقصة بشدة وحسب مخرج اللعبة Mac Walters كشف إن المهمات و الأنشطة الجانبية هتبقى “جانبية جدا”. و BioWare كانوا كشفوا إن المهمات ديه هيبقى فيها اضافات عشان تحسن وتغير من التركيبية التقليدية بتاعت Mass Effect.

Game Informer دلوقتي كشفوا إن هيبقى في اضافات كتير على المهمات ديه. زي اشتكشاف عوالم جديدة في Andromeda.

في معظم الكواكب في مستويات مختلفة من الأعداء. والطبيعي هيبقوا موجدين في قاعدة  خاصة بيهم أو مكان استخباء. القواعد الخاصة بالاعداء ديه هتبقى طويلة شوية عشان تتغلب عليها كلها. فـ لما تقرب ليهم لازم تبقى مستعد وعارف إنت داخل على إيه. الموضوع ممتع لأن فيه دمج ما بين حاجات ممنهجة وحرة بالداخل.

أيضًا مهمة اخرى هتحتاج إنك تبقى مستعد على قد ماتقدر هو وجود Bosses ضخام جدا لازم تحاربهم.

على كواكب اخرى هيبقى فيه مناطق و أشياء لازم يعملها Scan, وديه بترسل معلومات للمركب عشان يتم تحليلها. ده ممكن يفيدك في جمع أشياء خاصة بـ بناية أسلحة و armor. أيضًا هتبحث عن Drop zones ودول هدفهم هو وجود Fast-travel للكواكب ديه و مكان تعدل فيه الـLoadout الخاص بيك.

أخبار أكتر عن Andromeda هيتم الكشف عنها قريبا بسبب إن BioWare و EA هيعرضوا فيديو جديد خاص باللعبة خلال Game Awards في 1 ديسمبر القادم.

اللعبة هتنزل الربيع القادم و من الممكن إنها تنزل 21 مارس القادم.