Yousef ElAdawySquare Enix و IO Interactive نزلوا عرض Gameplay لمهمة كاملة بيستعرض حرية اللعب المهولة في المهمات.
العرض ده في مهمة اسمها Showstopper المهمة دي في باريس و مطلوب منك اغتيال Viktor Novikov صاحب واحدة من اضخم ماركات اللبس, ولكن في الحقيقة إنت رايح تغتاله عشان هو رئيس عصابة تجسس تدعى IAGO.
قبل أي مهمة, إنت بيجيلك زي Briefing عن المهمة و إنت بتقرر إنت هتستخدم إيه وتختار معداتك بعد متعاين المهمة والمكان و حراس الرجل المطلوب اغتياله.
العرض بيستعرض إزاي إنت ممكن تبقى مبتكر جدا في محاولة الاغتيال ديه, التنكر, وهكذا.
المهمات اللي تم تطويرها في اللعبة هي اضخم مهمات اتعملت في تاريخ السلسلة من حيث المساحة والأماكن تفاعلية جدا ومش ميتة وهنا يجي يدورك عشان تتلاعب بالمهمة تعرف تفاصيل عن اللي مطلوب اغتياله وهكذا.
Mohamed Ibrahim
