Khalid Ahmedفي فيديو اتعرض من شركة Blizzard لمخرج لعبة OverWatch وضح معلومات عن تغييرات كبيرة فى الـCompetitive Mode. مفيش شك ان لعبة overwatch هى لعبة ممتازة لكن اكيد مش كاملة و طور التنافس بالذات و blizzard بتحاول تقضى على المشاكل و مظاهر الخلل فيه و من المظاهر دى هى تصنيف المهارات الى وصفه مخرج اللعبة نفسه Jeff Kaplan بالغلطة فا مكنتش مفاجأة لما نسمع ان النظام هيكون فيه تغييرات كبيرة جدا قادمة في الطريق.
جيف اتكلم عن التغيير فى طور التنافس و ان التصنيف بعد كدة مش هيكون مئوى يعنى مش من 1-100 و لكن هيكون من 1-5000 و نتيجة التغيير دة انت هتلعب مرات كتير قبل ما تبدأ تحس بأى فرق لانك مش هتكون طلعت او نزلت رقم كبير زى الاول. من ناحية تانية blizzard بتتمنى ان هوس اللاعبين بالارقام يقل و يبدأو يركزو على المستويات او الـtiers و الى هيكونوا سبعة و لما هتوصل لمستوى معينساعتها مش هيتم سحبك على طول لو تصنيفك قل.
لاعب overwatch اللي تصنيفه دهبي هيفضل دهبي حتى لو اليوم مش ماشى معاه كويس و لكن فى النهاية هيتم سحبك لو استمريت فى الهبوط بالمستوى الخاص بطريقة لعبة والـdiamond master و Grandmaster هيبدأو فى خسارة التصنيف لو معملوش log in لمدة اسبوع.
و أخيرا مش هتقدر تدخل مبارة مع لاعبين بمستوى بعيد عنك و هتحتاج انك تلعب حوالى 50 مبارة عشان توصل للـTop 500 , دة هيمنعك من انك تكسب مباريات بالحظ و تدخل فى الtop ranking و لكن دة مش كل حاجة و طور التنافس هيتغير بطريقة تانية كمان, التعادل فى المبارة هو حاجة نادرة فى overwatch و الي يعتبر شئ ظالم جدا ان بعد المباراة بيحصل زي قرعة بعملة و زي ما بنقول عليها في مصر طس او رفة و الي من خلالها واحد من الفريقين بيبقا دفاعي و التاني بيبقا هجومي و بنسبة 99.9% بيكون المكسب للدفاعي لان بيكون في تكتل كبير علي الدفاع و الوقت بيكون قليل جدا بحيث ان بيكون ليك دقيقة كاملة لتجهيز الدفاع و وقت الجولة كلها دقيقة و اربعين ثانية فقط و كتير من اللاعبين اشتكوا من النظام الظالم دة و blizzard قررت ان التعادل يدى نقط للطرفين اكتر من الخسارة لكن اكيد اقل من الفوز و اخيرا نظام النقط اتضاعف فى اللعبة كل حاجة هتعملها هتاخد ضعف الى كنت بتاخده فى الاول لكن برضه كل حاجة هتحتاج تشتريها بقت اغلى الضعف
Mohamed Ibrahim
