Khalid Ahmedفي الوقت الحالي Microsoft قدمت 3 حصريات وجهت انظار ناس كتير ناحية الـXbox One لكن في مقابلة علي موقع PC gamer مع Phil Spencer مدير قسم Xbox قال ان وجود الالعاب الحصرية زي Scalebound, Crackdown 3, Quantum Break علي الـPC مش في خطتهم حاليا لكنه غير مستبعد.
Phil من خلال المقابلة وضح كذا نقطة تخص نظرة الشركة لدعم الـPC و الالعاب الحصرية علي الـXbox One. اولا هو وضح ان الالعاب الحصرية اللي تم الاعلان عنها مش هتنزل للـPC في الوقت الحالي بسبب ان تطوير الالعاب ابتدي قبل قيادته للقسم و بداية تطبيقه للرؤية الخاصة بدعم الالعاب علي الـPC من خلال Windows 10, دا بالاضافة لصعوبة انهم في وسط عملية التطوير يضيفوا منصة جديدة تماما في الوقت الحالي لكن الامر غير مستبعد في المستقبل.
Phill قال كمان ان وقت ما اتولي قيادة القسم الخاص بـXbox كان ليه رؤية و هي ان العلامة الخاصة بـXbox تكون اكبر من مجرد اسم لجهاز العاب و تكون نظام علي اكتر من جهاز و تكون الالعاب متوفرة سواء PC او اجهزة محمولة او الـXbox ذات نفسه.
عموما التصريح اللي قاله Phill الصراحة ممكن يكون غريب و ممكن يتعارض مع تصريحاته اللي فاتت ان الصفقات اللي تخص الالعاب الحصرية هتكون بشكل اكبر استثمار في العاب تكون موجود للـXbox فقط و متكونش العاب حصرية بشكل مؤقت !
لكن من الممكن Phill يكون بيفكر بشكل مختلف ان Xbox بالنسباله مجرد كيان بيضم الالعاب علي اكتر من منصة زي ما قال بما فيهم PC و Xbox One. و خلو بالكم ان احنا دايما بنسمع كلمة و هي ” لا يوجد خطة لاصدار اللعبة” طبعا الجملة بتقدم برضو احتمالية ان احنا نشوف اللعبة اللي بيتقال عليها كده لمنصة تانية.
Mohamed Ibrahim
