Yousef ElAdawyحسب iNews24 وهو موقع أخبار كوري, Blizzard هيعلنوا عن نسخة HD من StarCraft الأصلية في سبتمبر القادم.
النسخة ديه هتوفر نفس الـGameplay, ولكن هتدعم دقة عرض افضل و هتقدم واجهة مستخدم جديدة و محسنة.
النهاردة, كذا مصدر على معرفة بخطط Blizzard الداخلية قالوا إن الستوديو هيكشف عن StarCraft HD للعامة شهر سبتمبر القادم. النسخة الـRemastered هتوفر نفس Gameplay و يقال إنها هتقدم Graphics و دقة عرض أعلى و UI جديد.
و الموقع قال أيضًا إن هيبقى في تفاصيل أكتر خلال BlizzCon في نوفمبر.
غير معروف حتى الآن هل النسخة الـHD هتقدم 2D ولا 3D Graphics.
ليه هيتم الكشف عن اللعبة خلال سبتمبر؟ لأن بطولة العالم الخاصة بـStarCraft II هتخلص في 11 سبتمبر في المكسيك, فـ لو الموضوع ده بجد, يبقى الكشف عن اللعبة خلال الشهر ده هيبقى منطقي جدا.
الجزء الأصلي حتى الآن ترتيبه في العشرة الاوائل في السيبرات الكورية, فـ وجود نسخة HD هو شيء حتمي.
حتى الآن Blizzard لم تؤكد التقرير ده و ممكن يبقى غلط.
Mohamed Ibrahim
