الاعلان عن Game mode مشابه لـConquest في لعبة Star Wars Battlefront

Supremacy Mode هو الـ Game Mode اللي هيتم تقديمه من خلال  Star Wars Battlefront عشان يكون في تجربة شبيه بـConquest من سلسلة Battlefield.

من خلاله هيتقدم اكبر خرايط اللعبة و الفريقين عليهم التحكم في مناطق معينة و تفضل المناطق دي تحت سيطرتهم زي Conquest بالزبط لكن في فكرة جديدة و هي ان المناطق دي لابد السيطرة عليها بالترتيب و مش بعشوائية Conquest في Battlefield.

الغرض من تصميم الـMode بالشكل دا هو الغاء فكرة ان ممكن واحد من اللاعبين يبقي معزول عن المعركة خصوصا في خريطة ضخمة و يبقي الاكشن بيحصل في منطقة مركزة و عدم الاعتماد علي الـCampingفي منطقة معينة بعيد عن الهدف المطلوب من اللاعبين.

المركبات عموما وسيلة مهمة من تنفيذ المطلوب منك و السيطرة علي بعض المناطق و من امثلة المركبات دي و بالتحديد الطيارات الحربية من عالم Starwars و هما X-wings و TIE fighters و هيكون برضو في الشخصيات المهمة زي Darth Vader, Luke Skywalker, Boba Fett.

و في وسط الكلام عن Supremacy Mode مدير EA و هو Peter Moore قال ان السبب ورا ان اللعبة مفهاش قصة هو ان ناس كتير مش بتلعب حاجة زي كده مع النوع دا من الالعاب.

عموما اللعبة هتنزل يوم 17 نوفمبر علي Xbox One, PS4 و PC.