مطور The Division يتحدث عن المساواة بين Xbox One, PS4, و PC

Massive Entertainment مطوري The Division ردوا على سؤال مهم النهاردة وهو هل تم عمل “downgrade” للعبة على PC من اجل نسخة Xbox One و PlayStation 4.

Martin Hulberg من مطوري اللعبة في الستوديو قال إن مصطلح Downgrade مش بيفسر خالص إزاي الستوديو بيطور The Division.

Downgrading هو مصطلح غريب جدا لاستخدامه. من الواضح إن احنا عايزين نعمل لعبة شكلها ممتاز على الجهاز اللي شغالة عليه, Xbox One, PS4 و PC. فـعشان كده بعتقد إن ده مصطلح يلخبط وعجيب لأن احنا فعلا بنحاول نطلع افضل ما في كل جهاز احنا شغالين على تطوير اللعبة عليه. Xbox One ليه اهتمامه, PS4 ليه اهتمامه, و PC طبعا نفس الكلام و هيبقى افضل شوية حسب طبعا قدرة جهازك.

وتم سؤاله إذا كان كل نسخ اللعبة هتبقى نفس الاعدادات كمثال 1080p  أو 60fps رد وقال إن كل نسخة من اللعبة على جهاز معين بيتم تطويرها فرديا.

احنا شغالين على كل جهاز اللعبة بيتم تطويرها عليه فرديا, احنا بكدة بنبعد عن إن احنا نجيب قاسم مشترك للأجهزة, والكل يعاني من كده.

احنا عايزين نعمل افضل تجربة وافضل أداء على كل الأجهزة

 خلال المقابلة Hultberg لمح إن هيبقى في Alpha أو Beta للعبة السنة اللي جية.