معلومات جديدة عن الجيمبلاي فيThe Witcher 3

2014/06/26

1 أقل مدة

مقابلة اتعلمت مع اتنين مطورين شغالين علي لعبة The Witcher و عمل المقابلة Angryjoe في E3 و نشر المقابلة النهاردة.

المعلومات اللي اتقالت في المقابلة ان اللعبة هيكون في زي detective mode بتاع Batman Arkham بيسمحلك تشوف اثار اكتر من وحش في نفس الوقت و ممكن تستخدم مثلا نوع اسهم معينة تخلي الوحش ينزف دم عشان تعرف تمشي وراه و تستخدم الرؤية الخاصة ببطل اللعبة.

اللعبة كمان هتقدم حوالي 80 نوع وحش مميز ليهم اثار مميزة و دورك تفرق بينها و بين اثار الحيوانات و لكل نوع اسلوب حركة و نقط قوي و نقط ضعف مختلفة و اللعبة برضو هتقدم وحوش تحت الميه.

اللعبة هتكون فيها حوالي 36 نهاية كل نهاية الاستيديو بيفضل تسميتها بانها حالة بيوصل ليها عالم اللعبة.

اي حد لعب الجزء الاول و التاني علي الـPC هيقدر ينقل الـSavefiles بتاعته للعبة الجديدة و الاستيديو بيحاول يوصل لحل مع الكونسولز.

دا فيديو المقابلة الكاملة اللي عملها Angry Joe