هيبقى في جزء تاني من Unravel

Unravel, وهي لعبة Puzzle Platformer مميزة جدا نزلت السنة ديه, هتحصل على جزء تاني.

Electronic Arts اعلنت إن تم تمديد اتفاقيتهم مع مطوري اللعبة Coldwood Interactive من اجل تطوير لعبة جديدة, و حسب Game Informer اللعبة ديه هي الجزء التاني من Unravel.

في EA, احنا بنحب نشتغل مع فرق تطوير مبتكرة و شغوفة, في الستوديوهات الخاصة بينا و شركائنا, و ده السبب إن أنا سعيد جدا إني اعلن إن احنا وقعنا اتفاقية جديدة مع Coldwood للعمل على مشروعهم القادم.

احنا منتظرين بشدة الوقت اللي نقدر فيه ننشر معلومات أكتر عن المشروع ده. و فعلا احنا متحمسين جدا لاستمرار العمل مع Martin Sahlin و الفريق الرائع في Coldwood, و إن احنا نشوف المغامرة القادمة اللي الستوديو هيقدمها.

ممكن تتفرجوا على مراجعة اللعبة من هنا.