Khalid Ahmedمن خلال تقرير لموقع Kotaku فيه معلومات مهمة جدا مصدرها بعض الموظفين اللي اختبروا نسخة الـPC للعبة Arkham Knight وضحوا ان اللعبة كانت علي الحالة السيئة دي قبل نزولها بشهور و كانت شركة Warner Bros علي علم كافي بالمشاكل دي, و من مدي سوء وضع اللعبة اختبارها كان بيتم علي دقعة عرض 720p عشان تبقي قابلة للعب.
من النقط اللي وضحوها برضو ان الشركة وفرت حوالي 100 شخص لاختبار اللعبة و التبليغ عن مشاكلها لكن 10 اشخاص منهم فقط كانوا للـPC و كان بشكل يومي بيتم التبليغ عن اكتر من 100 مشكلة قبل نزول اللعبة بوقت بسيط لكن علي الجانب الاخر المطورين كانوا مشغولين بانهاء تطوير اللعبة و مع انهاء التطوير الوقت كان ضيق جدا لاصلاح المشاكل اللي تم التبليغ عنها.
و شركة Warner Bros كانت علي علم بالمشاكل دي و تم تقديم طلب ان شركات متخصصة تختبر اللعبة باعداد اكبر من الموظفين لكنهم رفضوا بحجة عدم تسريب اي معلومات عن اللعبة من الشركات دي و الموقف دا يعتبر مش اول مرة يحصل من جانب Warner Bros لان Batman: Arkham Origins نزلت الاسواق برضو بمشاكل كتير لنسخة الـPC.
Yousef ElAdawy
